fredaghardingtonar-15
Foto: Hardingtonar

Opningskonserten med Bergen Filharmoniske Orkester

På programmet står 
Maurice Ravel: "La valse".  første gong framført i 1920
Geirr Tveitt: Pianokonsert nr 1 med solist Håvard Gimse
Hovudverket vert Sergej Rachmaninov: Symfoniske danser

Om dirigent Edward Gardner:
Edward Gardner (f. 1974) er internasjonalt kjend som en av dei fremste dirigentar i sin generasjon. Han har mange store framføringar, innspelingar og turneear bak seg. Gardner har vore sjefsdirigent for Bergen Filharmoniske Orkester sidan 2015. Me gler oss stort til å møte han og orkesteret i Norheimsund denne junikvelden.

Om Håvard Gimse
Håvard Gimse, norsk pianist og professor ved Norges musikkhøgskole. Gimse reknast som ein av Noregs fremste musikarar og har eit breidt og allsidig repertoar. Han er aktiv både som solist og kammermusikar, ein ettertrakta akkompagnatør og verdsett lærar. Gimse opptrer jamnleg i inn- og utland, og har ei imponerande merittliste å vise til. 

Om Bergen Filharmoniske Orkester
Bergen Filharmoniske Orkester (BFO) har status som nasjonalorkester i Noreg.  I 2015  kunne dei som eit av verdas eldste orkestrer feira 250-års-jubileum.
Edvard Grieg var i si tid nær knytt til BFO, og i åra 1880-82 var han kunstnarisk leiar for orkesteret.
Bergen Filharmoniske Orkester er svært aktiv på platemarknaden og har dei siste åra hatt mange nye innspelingar med gode kritikkar, der fleire er høgt prislønte. Totalt har orkesteret bidrege med ca 100 utgjevingar.
Bergen Filharmoniske Orkester har sin base i Grieghallen, men er også heile Vestlandet sitt orkester. Dei har i mange år vore ein hjørnestein for musikkfestivalen Hardingtonar. Orkesteret tel i dag ca 100 faste musikarar.