Plakaten for Hardingtonar 2017 er laga av kunstnaren Kwestan Jamal Bawan. Ho kom til Kvam i 1998 frå Kudistan i Irak saman med familien sin. Ho har full kunstutdanning frå Kurdistan. Etter ho kom til Norge har ho likevel tatt både Bachelor og Mastergrad på Kunsthøgskulen i Bergen, og er i dag busett i Bergen. Ho er ein aktiv kunstnar med eigne utstillingar og kunstprosjekt, og ho brenn for kunstformidling til born og unge gjennom Kulturskolen i Bergen. Kvam og Hardanger er viktig for henne då det var hennar fyrste møte med Norge. Ho vart medlem i Hardanger sin kunstnarorganisasjon Harding Puls kort tid etter ho kom til Norge og har sidan delteke i fleire prosjekt i Harding Puls sin regi.
